ब्रेकिंग: तालुकाध्यक्षाला थेट गोळ्या घालून मारून टाकण्याची धमकी — कुख्यात गुंड बबलू गोलेकर विरुद्ध २० लाखांच्या खंडणीचा गुन्हा दाखल जामखेड तालुक्यात खळबळ... वाचा सविस्तर

जामखेड प्रतिनिधी/16मे 2026

जामखेड तालुक्यातील खर्डा येथील रहिवासी व स्थानिक गुन्हेगारी विश्वात नाव असलेला  कुख्यात गुंड  रोहित उर्फ बबलू गोलेकर  याच्यावर खर्डा पोलीस ठाण्यात दिनांक 13 मे 2026 रोजी खंडणीची तक्रार नोंदवण्यात आली आहे.

तक्रारदार हे जामखेडचे राष्ट्रवादी काँग्रेस (शरद पवार गट) तालुकाध्यक्ष विजयसिंह गोलेकर आहेत. तक्रारीनुसार, आरोपीने फोन कॉल करून 20 लाख रुपये खंडण म्हणून मागितले आणि नाही दिले  तर जीवे मारण्याची  धमकी दिली, असा दावा तालुकाध्यक्षांनी केला आहे. विजयसिंह गोलेकर यांनी या तक्रारीसह खर्डा पोलिस ठाण्यात फिर्याद दाखल केली आहे.

याबाबत अधिक माहिती अशी की, फिर्यादी विजयसिंह गोलेकर  वय( 45)रा .सुर्वेवाडी खर्डा ता.जामखेड  यांनी फिर्यादीत म्हंटले आहे की खर्डा येथील रहिवासी कुख्यात गुंड बबलू गोलेकर याने दिनांक 12 मे 2026 रोजी मी खर्डा येथे असताना व्हाट्सअप्प कॉल करून म्हणाला की,

तुझ्यामुळे माझे खूप वाटोळे झाले; तुझ्यामुळे माझा 20 लाख रुपयांचा खर्च झाला आहे; माझं लग्नही मोडले आहे; तुला सोडणार नाही; तुला वाचायचे असल्यास 20 लाख रुपये खंडणी दे; नाहीतर तुला 10 गोळ्या घालून  मारीन " यांसारख्या धमक्या, शिवीगाळ व दमदाटीचा हेतु ठेवला. मी त्याला सांगितले की त्याच्यावर आधी गुन्हे दाखल आहेत व मी त्याला वाचविणार नाही. त्यावरून त्याने पुन्हा "तुझा ट्रॅप लावलेला आहे; जर तू 20 लाख नाही दिले तर तुला संपवून टाकीन" असा गैरधर्मक व धमकीपूर्ण मजकूर बोलून संभाषण बंद केले.

त्याच दिवसाच्या रात्री सुमारे 10:51–10:52 च्या काळात  माझ्या व्हॉट्सअॅपवर आणखी 3 वेळा कॉल आले. भितीमुळे मी ते कॉल उचलले नाहीत. त्यानंतर 11:06 वाजता (11:06 pm) त्याने माझ्या व्हॉट्सअॅपवर "फोन कर मला बोलायचे आहे, वाटुळ केल माझ" असे संदेश पाठविला. सदर संदेशांचे स्क्रीनशॉट या तक्रारीसोबत जोडले आहेत.

आणि पोलीसांनी गुन्ह्याची नोंद (खंडणी - अँ extortion)

भारतीय न्याय संहिता BNS ३०८(५) BNS ३५१(२) BNS ३५२ नोंदवून तपास सुरू केला आहे.

स्थानिक माहिती व पोलिस नोंदींनुसार, बबलू गोलेकर हा परिसरात कुख्यात सराईत गुंड म्हणून ओळखला जातो व तो एका मोठ्या गॅंगचा हिस्सा आहे , त्याच्यावर मागील अनेक वर्षांत हत्येचा प्रयत्न,खून, खंडणी, मारहाण, तस्करी,  तसेच अन्य गंभीर गुन्हे नोंदले गेले

असून त्याला खर्डा शहरातून स्थानबद्ध केले होते.

जिल्हा पुणे विभागातही त्याच्या विरोधात गुन्हे दाखल असून वारजे पोलीस स्टेशनमध्ये देखील त्याच्यावर खंडणीचा एक प्रकरण आधी नोंदले गेले आहे. आतापर्यंत पोलिसांच्या आकडेवारीनुसार बबलू गोलेकर अनेकदा फरार राहिला असून पोलिसांना तो चकवा देत आला आहे.

या तक्रारीमुळे स्थानिक राजकीय मंडळींमध्ये खळबळ उडाली आहे. विजयसिंह गोलेकर हे स्थानिक राजकीय नेते असून राष्ट्रवादी काँग्रेसच्या शरद पवार गटाशी संबंधित आहेत; त्यामुळे नेत्याला तोंडावर थेट  धमकी दिल्याचे प्रकार स्थानिक राजकीय वातावरणात खबळजनक आहे.

काही राजकीय कार्यकर्ते व स्थानिक नागरिकांना भीतीची पेरणूक होण्याची चिन्ता व्यक्त होत आहे आणि ते पोलिसांकडून तातडीने तपशीलवार खुलासा व तालुकाध्यक्षाच्या सुरक्षेबाबत वेळेत पावले उचलण्याची मागणी करत आहेत.

खर्डा येथील कुख्यात गुंड बबलू गोलेकर विरोधातील नवी खंडणीची तक्रार स्थानिक राजकारण आणि समाजात चिंतेचे कारण ठरली आहे. पोलिसांनी तातडीने पारदर्शक चौकशी व तालुकाध्यक्षाच्या सुरक्षेबाबत तसेच आरोपीच्या फरार अवस्थेचा शोध घेण्याचे काम अधिक वेगाने करावे, अशी अपेक्षा स्थानिकांना आहे.