गांजा तस्कराविरुद्ध स्थानिक गुन्हे शाखेची धडक कारवाई; 120 किलो गांजासह 80 लाखांचा मुद्देमाल जप्त, दोन आरोपी अटक

आहिल्यानगर प्रतिनधी/३०ऑगस्ट२०२५

अहिल्यानगर जिल्ह्यातील स्थानिक गुन्हे शाखेने ओडीसा राज्यातून विक्रीसाठी आणलेल्या 120 किलो 905 ग्रॅम वजनाच्या गांजासह एकूण 80,83,464/- रुपये किंमतीचा मोठा मुद्देमाल जप्त केला असून, दोन आरोपींना अटक करण्यात आली आहे. या कारवाईसाठी पोलीस अधीक्षक श्री. सोमनाथ घार्गे यांच्या सूचनांनुसार अंमली पदार्थ विरोधी विशेष मोहिम राबविली गेली आहे

दि.29 ऑगस्ट 2025 रोजी अहिल्यानगरच्या शेंडी बायपास ते एम.आय.डी.सी. रोडजवळ वडगांव गुप्ता गावकरवी ठिकाणी स्थानिक गुन्हे शाखेच्या पथकाने गुप्त बातमीच्या आधारे ट्रक क्रमांक एम.एच. 14 जी. यु. 2111 या ट्रकमध्ये गांजा वाहतूक करणाऱ्या नवनाथ अंबादास मेटे (वय 38, रा. ढोरजे, ता. श्रीगोंदा, जि. अहिल्यानगर) आणि ज्ञानेश्वर दत्तात्रय फुंदे (वय 31, रा. मळेगांव, ता. शेवगांव, जि. अहिल्यानगर) यांना अटक केली . त्यांच्या ताब्यातील ट्रकमधून 120 किलो 905 ग्रॅम गांजा जप्त केला गेला असून, त्याची किंमत 30,22,625/- रुपये आहे, तर ट्रकमध्ये असलेल्या अन्य गहाण्यांच्या कारणास्तव एकूण 80,83,464/- रुपये किमतीचा मुद्देमाल ताब्यात घेण्यात आला आहे.

सदर कारवाई पोलीस अधीक्षक सोमनाथ घार्गे यांच्या मार्गदर्शनाखाली अंमली पदार्थ विरोधी टास्क फोर्सच्या नोडल ऑफिसर पोनि. किरणकुमार कबाडी यांचे नेतृत्वाखाली दोन विशेष पथकांची रचना करण्यात आली होती, ज्यांनी आमली पदार्थ विक्री व वाहतूक करणाऱ्या व्यक्तींची माहिती गोळा करून हि कारवाई केली. या प्रकरणी एम.आय.डी.सी. पोलीस ठाण्यात गुंगीकारक औषधिद्रव्ये आणि मनोव्यापारावर परिणाम करणारे पदार्थ कायदा सन 1985 चे कलम 8 (क), 20 (ब) ii (क) यांच्या अंतर्गत गुन्हा नोंदवण्यात आला आहे.

अद्याप या प्रकरणाचा तपास अहिल्यानगर स्थानिक गुन्हे शाखेच्या पोउपनि अनंत सालगुडे यांच्या देखरेखीत कार्यवाही केली जात आहे, आणि आरोपींच्या इतर साथीदारांविरुद्ध शोध आणि कारवाई सुरु आहे.