खर्डा ग्रामस्थ भडकले! अतिक्रमण व विकास मुद्द्यांवरून तूफान चर्चा

खर्डा प्रतिनिधी/२४ डिसेंबर२०२५

खर्डा ग्रामपंचायतीच्या कार्यालयासमोर सरपंच संजीवनी वैजीनाथ पाटील यांच्या अध्यक्षतेखाली ग्रामसभा झाली. येथे विकासकामे, थकबाकी सवलत योजना व ग्रामदैवत कानिफनाथ मंदिर परिसरातील अतिक्रमणाच्या मुद्द्यावर जोरदार चर्चा झाली. काही काळ वातावरण तापले, तरी ग्रामविकास अधिकाऱ्यांच्या हस्तक्षेपाने परिस्थिती नियंत्रणात आली.

ग्रामसभेत१ एप्रिल २०२५ पूर्वीची थकबाकी व तालुका थकबाकी ३१ मे २०२५ पर्यंत भरल्यास ५० टक्के करसवलत मिळेल, अशी माहिती देण्यात आली.

कानिफनाथ मंदिर यात्रा उत्सवासाठी अतिक्रमण हटवून मोकळी जागा उपलब्ध करावी.घरकुल योजनेंतर्गत नवीन मागण्या व चालू लाभार्थ्यांना निधी.सार्वजनिक ठिकाणी मुतारी व शौचालय बांधकाम.खैरी मध्यम प्रकल्प ते खर्डा पाणीपुरवठा योजना पूर्ववत करणे.जिल्हा परिषद प्राथमिक शाळेसाठी पंधराव्या वित्त आयोग निधी.उर्दू शाळेसाठी वर्गखोली व शौचालय बांधकाम.विद्युत खांबांवर बल्ब लावून वीजपुरवठा सुरळीत करावा.सरपंचांनी विरोधकांकडून कामात अडथळे आणला जात असल्याचा आरोप केल्याने वातावरण तापले. यावर ग्रामस्थ व सदस्यांनी विकासासाठी राजकारण न आणण्याचे आवाहन केले. ग्रामविकास अधिकारी बाळासाहेब तिडके यांनी शासकीय नियमांनुसार अतिक्रमण हटवले जाईल, असे स्पष्ट केले. ग्रामसभेला सरपंच, उपसरपंच, सदस्य व नागरिक मोठ्या संख्येने उपस्थित होते.