जामखेड नगरपरिषद निवडणुकीच्या पार्श्वभूमीवर आमदार रोहित पवार यांची संविधान स्तंभाला अभिवादन करत विजयाचा निर्धार

जामखेड प्रतिनिधी, दि. २२ नोव्हेंबर २०२५

जामखेड नगरपरिषद निवडणुकीच्या अनुषंगाने आज आमदार रोहित पवार यांनी नगराध्यक्ष व नगरसेवक उमेदवारांसोबत संविधान स्तंभाला अभिवादन केले. आपल्या देशाचा कारभार संविधानावर आधारलेला आहे आणि त्याचा सन्मान राखत, उमेदवारांसोबत जामखेडमध्ये उभारलेल्या संविधान स्तंभासमोर विजयाचा निर्धार व्यक्त करण्यात आला.या प्रसंगी आमदार रोहित पवार यांनी संविधानाच्या मुल्यांचा आदर ठेवून, जनतेच्या न्याय हक्कांसाठी कार्यरत राहण्याचा विश्वास दिला. नगराध्यक्ष व नगरसेवक उमेदवारांनीही सत्य, पारदर्शिता आणि विकास यांचा संकल्प करत नागरिकांचा विश्वास कायम राखण्याचा निर्धार व्यक्त केला. या उपक्रमामुळे जामखेडमध्ये निवडणूक वातावरणात सकारात्मक ऊर्जा आणि संविधानाभिमानाचे वातावरण निर्माण झाले आहे.