जामखेडमध्ये Apollo मॅकवेलसह टायरांची लूट! गुन्हा दाखल

जामखेड, 18जानेवारी :2026

जामखेड पोलीस ठाण्यात २४/२०२५ क्रमांकाची फिर्याद नोंदवली असून, बीएनएस २०२३ कलम ३०३(२) अंतर्गत चोरीचा गुन्हा दाखल झाला आहे. जामखेड येथील गणेश टिंबर अॅण्ड प्लायवुडच्या समोरच्या मोकळ्या जागेतून १६ जानेवारी २०२६ रोजी रात्री १० वाजता १२० चारचाकी गाड्यांचे Apollo कंपनीचे मॅकवेलसह टायर (अंदाजे ११,००० रुपयांचे) अज्ञात चोरट्याने चोरून नेल्याची घटना जामखेडमध्ये घडली आहे.

फिर्यादी संजय गजेंद्र अंधारे (वय ४२, रा. मिलिंदनगर, जामखेड) हे माजी सैनिक असून, त्यांनी १७ जानेवारी रोजी दुपारी जामखेड पोलीस स्टेशनमध्ये तक्रार नोंदवली. चोरट्याने लबाडीचा इरादा करून स्वतःचा फायदा करण्यासाठी हा गुन्हा केल्याचा संशय आहे.

जामखेड पोलिसांनी तक्रारीनंतर तात्काळ दखल घेतली असून, प्रभारी अधिकारी पोनि चौधरी यांच्या मार्गदर्शनाखाली सफो/कदम तपास करीत आहेत.

नागरिकांनी रात्री मालाची काळजी घेण्याचे आवाहन पोलिसांनी केले आहे.