जामखेडमध्ये महादौड व हिंदू दसरा मेळावा उत्साहात संपन्न "असंख्य आमच्या जाती, परी संकटामध्ये विरघळून जाती" – पांडुराजे भोसले यांचे प्रेरणादायी प्रतिपादन

जामखेड प्रतिनिधी/3ऑक्टोबर2025

जामखेडमध्ये दुर्गामाता महादौड आणि हिंदू दसरा मेळावा उत्साहात पार पडला. हजारो शिवप्रेमींच्या उपस्थितीत पार पडलेल्या या मेळाव्याचा समारोप रावण दहनाने झाला. पावसाच्या थेंबातही नित्यनियमाने सुरू राहिलेल्या महादौडीने जामखेडकरांच्या मनात अभिमानाची भावना जागवली.महादौडीचे वैशिष्ट्यघटस्थापनेपासून विजयादशमीपर्यंत दररोज पहाटे ५.३० वाजता शेकडो शिवप्रेमी छत्रपती शिवाजी महाराज पेठ, शनि चौक येथून लोहार देवी मंदिराकडे धाव घेत होते. पावसाचे आव्हान असले तरी रोजच्या नित्यक्रमात खंड पडला नाही. विजयादशमीच्या दिवशी बाजारतळ दुर्गामाता मंदिरातून महादौड शिस्तबद्ध पद्धतीने निघाली. मार्गात जामखेडकरांनी दौड ध्वजाचे पूजन करून स्वागत केले.शस्त्रपूजन व प्रात्यक्षिकेलोहार देवी येथे पारंपरिक पद्धतीने शस्त्रपूजन करून लाठीकाठी, तलवार, भाला अशी युद्धकलेची थरारक प्रात्यक्षिके सादर झाली. मुलींच्या रोप मल्लखांबच्या अद्भुत कलेने उपस्थितांची मने जिंकली. त्यानंतर महाआरती करून रावण दहन करण्यात आले.कार्यक्रमातील विशेष आकर्षणछत्रपती शिवाजी महाराजांसमोरील मूर्तीची आकर्षक सजावटशस्त्र पथक भगवे फेटे घालून पारंपारिक वेशभूषेत सहभागीहजारो जामखेडकरांची उत्स्फूर्त उपस्थितीपांडुराजे भोसले यांचे मनोगतकार्यक्रमानिमित्त श्री शिवप्रतिष्ठान हिंदुस्थानचे पांडुराजे भोसले यांनी जामखेडकरांना गडकोट मोहिमेत मोठ्या संख्येने सहभागी होण्याचे आवाहन केले.

त्यांनी म्हटले की,देव-देश-धर्म व भारतीय संस्कृतीचे संरक्षण हेच आमच्या कार्याचे उद्दिष्ट आहे.अतिवृष्टीच्या काळात जामखेडकरांनी दिलेल्या मदतीमुळे आम्ही सर्वत्र तत्काळ धाव घेऊ शकलो."असंख्य आमच्या जाती परी संकटामध्ये विरघळून जाते, या वृत्तीनेच आम्ही कार्य करतो."भारतीय सैनिक आपल्या जीवाची बाजी लावून देशाचे रक्षण करतात, त्यांच्या त्यागाला आपण आपल्या कार्यातून मानवंदना द्यायला हवी.समारोपछत्रपतींच्या आठवणींनी, युद्धकलेच्या थरारक सादरीकरणांनी आणि रावण दहनाच्या सोहळ्याने दसरा मेळावा संपन्न झाला. जामखेडचा हा हिंदू दसरा मेळावा सर्वांना एकत्र आणणारा व परंपरेचे तेज दाखवणारा ठरला