प्रजासत्ताक दिनी डॉ .बाबासाहेबांचा विसर; आ.रोहित पवारांची मंत्री महाजन यांच्यावर जोरदार हल्लाबोल

नाशिक, २६ जानेवारी २०२६:

प्रजासत्ताक दिनी भारतरत्न डॉ.बाबासाहेब आंबेडकरांचा विसर पडल्याबाबत आमदार रोहित पवार यांनी सोशल मीडियावरून तीव्र टीका केली आहे. नाशिकमधील कार्यक्रमात मंत्री गिरीश महाजन यांच्या भाषणात डॉ. बाबासाहेब आंबेडकरांचा उल्लेख न झाल्याने वाद निर्माण झाला. "प्रजासत्ताक दिनीच डॉ. बाबासाहेबांच्या नावाचा विसर मंत्र्यांना पडत असेल तर याहून मोठे दुर्देव काय?" असा प्रश्न उपस्थित करून त्यांनी बाबासाहेबांच्या संविधान निर्मितीतील योगदानाची आठवण करून दिली.

मंत्री महाजन यांनी नकळत झालेली चूक मान्य करून दिलगिरी व्यक्त केली असली तरी अशा चुका होणार नाहीत याची दक्षता घेण्याची गरज असल्याचे रोहित पवार म्हणाले.

महिला अधिकाऱ्याचे समर्थन:

संबंधित महिला अधिकाऱ्यांनी व्यक्त केलेली भावना योग्य असून त्यांच्यावर कोणतीही कारवाई होणार नाही याची काळजी सरकारने घ्यावी, अशी मागणी फेसबुक पोस्टद्वारे रोहित पवार यांनी केली आहे.

आमदार रोहित पवार यांची फेसबुक पोस्ट