फेब्रुवारीत मुदत संपली: जामखेड तालुक्यातील ४७ ग्रामपंचायतींवर नवे प्रशासक: गटविकास अधिकारी शुभम जाधव यांचा आदेश

जामखेड, ९ फेब्रुवारी २०२६:

पंचायत समिती जामखेडच्या गट विकास अधिकारी शुभम जाधव यांनी आज जारी केलेल्या आदेशानुसार, तालुक्यातील मुदत संपणाऱ्या ४७ ग्रामपंचायतींवर विविध विभागातील अधिकाऱ्यांची प्रशासक म्हणून नेमणूक करण्यात आली आहे. ही नेमणूक महाराष्ट्र ग्रामपंचायत अधिनियम, १९५८ च्या कलम १५१ नुसार करण्यात आली असून, ग्रामपंचायतींच्या मुदती फेब्रुवारी २०२६ मध्ये संपत असल्याने घेण्यात आली आहे.आदेश क्र. वशि/आस्था-१/७५/२०२६ (दिनांक ६ फेब्रुवारी २०२६) नुसार, नेमणुकीची कार्यवाही राज्य शासनाच्या २३ जानेवारी २०२६ च्या निर्देशानुसार करण्यात आली.

जिल्हा परिषद आहिल्यानगरच्या मुख्य कार्यकारी अधिकाऱ्यांनी हे अधिकार गट विकास अधिकाऱ्यांना दिले आहेत. प्रशासकांची नेमणूक पुढील आदेशापर्यंत किंवा नवीन ग्रामपंचायती गठित होईपर्यंत कायम राहील.

प्रमुख नेमणुकींची यादी (काही उदाहरणे):

आघी: श्री. मिसाळ एस व्ही (विस्तार अधिकारी कृषी), आनंदवाडी: श्रीम. जावळे आर एस (पर्यवेक्षिका), आपटी: श्री. लिमजे एम एस (शाखा अभियंता),अरणगांव: श्री. खैरे के बी (विस्तार अधिकारी सां.), चौंडी: श्री. मिसाळ एस व्ही (विस्तार अधिकारी कृषी), खर्डा: श्री. माने व्ही बी (शाखा अभियंता), पाटोदा: श्री. खैरे के बी (विस्तार अधिकारी सां.),

संपूर्ण यादीत ४७ ग्रामपंचायतींचा समावेश आहे, ज्यात आधी, आनंदवाडी, आपटी, अरणगांव, बांधखडक, बाळगव्हाण, बावी, बोले, चाँडी, चोभेवाडी, डोणगांव, दिघोळ, देवदैठण, धानोरा, धामणगांव, धोडपारगांव, गुरेवाडी, घोडेगांव, जवळके, जातेगांव, जायभायवाडी, कवडगांव, कुसडगाव, खडां, खांडवो, खुरदेठण, लोणी, मोहरी, मोहा, नान्नज, नायगांव, नाहुली, पाटोदा, पाडळी, पिंपरखेड, पिंपळगांव आळवा, पिंपळगांव उंडा, पोतेवाडी, राजेवाडी, सारोळा, सातफळ, सावरगांव, सोनेगांव, तरडगांव, तेलंगशी, वाघा, झिक्री यांचा समावेश आहे.

प्रशासकांना आपले मूळ कामकाज सांभाळून ग्रामपंचायत अधिनियम, लेखासंहिता आणि शासननिर्णयांनुसार जबाबदारी पार पाडण्याचे निर्देश देण्यात आले आहेत. गैरवर्तणुकीस शिस्तभंगाची कारवाई होण्याची सूचना देण्यात आली आहे.हा आदेश जिल्हा परिषद आहिल्यानगर, पंचायत समिती जामखेड आणि संबंधित ग्रामपंचायतींना पाठवण्यात आला आहे