top of page
website.jpg

मोहरीत बिबट्याच्या हल्ल्यात बैल ठार; खर्डा परिसरात भीतीचे वातावरण

ree

खर्डा प्रतिनिधी/२२ नोव्हेंबर२०२५


जामखेड तालुक्यातील खर्डा मोहरी गावात बिबट्याने हल्ला करून सुखदेव श्रीरामे यांच्या बैलाचा बळी घेतला आहे. या घटनेमुळे परिसरात मोठी खळबळ उडाली असून ग्रामस्थांमध्ये भीतीचे वातावरण निर्माण झाले आहे.गेल्या काही दिवसांपासून खर्डा परिसरातील डोंगराळ भागात बिबट्यांची हालचाल वाढली आहे. ग्रामस्थांनी या भागाला बिबट प्रवण क्षेत्र घोषित करून तात्काळ उपाययोजना करण्याची मागणी वन विभागाकडे केली आहे.सुखदेव श्रीरामे यांनी रात्री आपल्या गोठ्यात बैल बांधला असता, बिबट्याने अचानक हल्ला करून तो ठार केला.


सकाळी घटना उघडकीस येताच गावकऱ्यांनी घटनास्थळी धाव घेतली. यावेळी आकाश श्रीरामे, संजय श्रीरामे, धोंडीबा तोंडे, सौरभ तोंडे, सुजीत तोंडे, बाळू तोंडे, दिगंबर हळनावर आदी उपस्थित होते.सध्या रब्बी हंगाम सुरु असून शेतकरी रात्री शेताला पाणी देण्यासाठी आणि जनावरांची देखभाल करण्यासाठी शेतात जातात. परंतु बिबट्याच्या दहशतीमुळे शेतकरी व महिलांना रात्री शेतात जाण्याची भीती वाटू लागली आहे. महिलांना ज्वारी खुरपणीसाठी एकत्रितपणे शेतात जावे लागत आहे.ग्रामस्थांनी बिबट्याला पकडण्यासाठी तातडीने पिंजरे लावावेत व ग्रामपातळीवर गस्त वाढवावी, अशी मागणी केली आहे. वन विभागाने या घटनेची दखल घेत तात्काळ कारवाई करावी, अशी अपेक्षा नागरिकांनी व्यक्त केली आहे.



 
 
 

Comments


0 (D19).jpg

प्रत्येक क्षणाचं अपडेट

साप्ताहिक ‘पोलीस वारंट न्यूज नेटवर्क’च्या

नव्या वेबसाईटचे सोमवार दि १० नोव्हेंबरला लोकार्पण

आदरणीय. सभापती प्रा. राम शिंदे साहेब यांच्या शुभहस्ते संपन्न झाले
यावेळी सभापती प्रा. राम शिंदे साहेब यांनी

संपादिका श्वेता गायकवाड यांना नवीन उपक्रमासाठी

मनःपूर्वक शुभेच्छा दिल्या.  
या कार्यक्रमास भाजपा पदाधिकारी,

कार्यकर्ते आणि नागरिक मोठ्या संख्येने उपस्थित होते,

वातावरण उत्साहाने दुमदुमले!

Website Designed, Developed and hosted by DIGITALFLY

Centent Provided by

POLICE WARRANT © 2025 All Rights Reserved

bottom of page

This text cannot be easily copied.

This text is also protected by the 'inert' attribute.