श्रीगोंद्यात भिमा नदीत संशयास्पद मृतदेह सापडला ; खुनाचा संशय

आहिल्यानगर प्रतिनिधी/8फेब्रुवारी2026

अहिल्यानगर जिल्ह्यातील श्रीगोंदा पोलीस स्टेशन हद्दीत भिमा नदीच्या पात्रात एका अज्ञात व्यक्तीचा मृतदेह आढळला असून, खुनाचा संशय व्यक्त केला जातोय.

दिनांक ७ फेब्रुवारी २०२६ रोजी सकाळी १० वाजताच्या आधी निमगांव खलु गावच्या शिवारातील भिमा नदीत, नगर-दौंड महामार्गाच्या पूर्वेस जुन्या दगडी पुलाजवळ हा मृतदेह सापडला. पोलीस उपनिरीक्षक भगवान शिवराम गांगर्डे (वय ५७, यांच्या फिर्यादीवरून गु.रजि. क्र. १२८/२०२६ भा.न्या.स. कलम १०३(१), २३८ अंतर्गत गुन्हा दाखल करण्यात आला आहे.

मयाताचे वर्णन;

मयत अज्ञात पुरुष (अंदाजे २५-३० वर्षे), उंची १६७ सेमी, सावळा रंग, गोल चेहरा, बसके नाक. उजव्या हाताच्या कांबेच्या मागील बाजूस त्रिशुल आणि "महादेव" (मराठी) टॅटू आहे.

मृतदेह पांढऱ्या गोण्यांच्या तळवटीत व चॉकलेटी साडीत गुंडाळलेला असून, डोळ्यांना काळ्या प्लॅस्टिक पाईपने गाठोडे बांधलेले होते. आरोपी अज्ञात असून, खून करून पुरावा नष्ट करण्यासाठी नदीत फेकल्याचा संशय आहे. पोलीस निरीक्षक किरण शिंदे यांच्या नेतृत्वाखाली तपास सुरू असून सर्व सर्व अहिल्यानगर जिल्ह्यातील पोलीस ठाणेप्रमुखांना जावक क्रमांकाद्वारे माहिती देण्यात आली आहे. मयताचे नातेवाईक किंवा माहिती असणाऱ्यांनी स्थानिक पोलिसांना कळवावे.

संपर्क क्रमांक

श्रीगोंदा पोलीस स्टेशन: ०२४८७-२२२३३३

पो.नि. किरण शिंदे: ८३२९००८३०२

पो.उपनि. मनोहर खिळदकर: ९८८१७३१७२१

पो.कॉ/सचिन वारे: ९६२३२६४०२३

नागरिकांनी माहिती असल्यास तात्काळ संपर्क साधावा.