जामखेड बावी परिसरात बिबट्याचा भीषण हल्ला; महिला जखमी, 3 बोकड ठार; गावकऱ्यांची वनविभागाकडे त्वरित कारवाईची मागणी

जामखेड प्रतिनिधी/1 डिसेंबर2025

जामखेड तालुक्यातील बावी गावच्या शिवारात 1 डिसेंबर 2025 रोजी सायंकाळी बिबट्याच्या हल्ल्यामुळे उषाबाई सौदागर चव्हाण (वय 45) या महिलेवर गंभीर इजा झाली आहे. त्यांना स्थानिक जामखेड ग्रामीण रुग्णालयात प्राथमिक उपचार देण्यात आल्यावर पुढील उपचारासाठी अहिल्यानगर येथे नेण्यात आले आहे. तसेच, बावी व फक्राबाद या भागातील सावता राऊत यांच्या 3 बोकडांना बिबट्याने ठार केले आहे. या घटनेने परिसरात मोठी खळबळ उडाली असून नागरिकांनी वन विभागाने त्वरित बंदोबस्त करण्याची मागणी केली आहे.ही घटना वन विभाग आणि स्थानिक प्रशासनाच्या लक्षात घेऊन तातडीने बिबट्याचा बंदोबस्त करण्याचा तयारी करत आहे. नागरिकांमध्ये रात्री एकट्याने फिरण्याचे टाळा आणि सतर्क राहण्याचा इशारा दिला आहे. या परिसरात बिबट्याचा वावर आणि त्याचा हल्ला चिंतेचा विषय ठरत आहे.ही घटना स्थानिक शेतकरी आणि गावकऱ्यांमध्ये भीती वाढवणारी ठरली असून वन विभागाकडून बिबट्याच्या हालचालींवर नियंत्रण ठेवण्यासाठी उपाययोजना करण्याचे निर्देश दिले आहेत