नारायणगव्हान भागात अज्ञात युवकाचा मृतदेह आढळला;परिसरात खळबळ

आहिल्यानगर प्रतिनिधी/13 नोव्हेंबर2025

आज दि. १३ नोव्हेंबर २०२५ रोजी सकाळी ६:३० वाजता, सुपा पोलिस ठाणे हद्दीत, नारायणगव्हान, ता. पारनेर, जि. अहिल्यनगर येथे पुणे-नगर हायवेपासून सुमारे १०० मीटर अंतरावर एका अज्ञात पुरुषाचा मृतदेह आढळून आला आहे.

याबाबत पोलिसांकडून मिळालेल्या माहितीनुसार,मृतदेहाच्या सविस्तर तपासणीत मृत व्यक्ती वय २५-३० वर्षे, उंची सुमारे ५ फूट ५ इंच, रंग गोरसर, केस कुरळे अशी आहे. मृतदेहावर गुलाबी रंगाचा प्रिंटेड फुल बाहीचा शर्ट आणि काळी ARMANI पॅन्ट होती.वैशिष्ट्यपूर्ण खूणडाव्या कानाखाली “आई” नावाचा टॅटू गोंदलेला आहे.उजव्या हातावर “क्षत्रिय कुलवंतस”

आणि गणपतीचे टॅटू आहेत.उजव्या हातावर लाल व भगव्या रंगाचे दोरे आहेत.दोन्ही पायांच्या अंगठ्या, तसेच डाव्या पंज्याजवळ जुना जखम असून त्यावर खुणा आहे.या व्यक्तीची ओळख कोणालाही असल्यास किंवा ही व्यक्ती कोणाच्या दृष्टीने हरवलेली असल्यास त्वरित सुपा पोलिस स्टेशनशी संपर्क साधावा. तपासासाठी पोलीस निरीक्षक ज्योती गडकरी या संपर्कासाठी ९७६३८ ९०२२३ या नंबरवर उपलब्ध आहेत.सुपा पोलिसांनी ही घटना नोंदवून कुटुंबीय शोधण्याचा प्रयत्न सुरू केला असून, स्थानिक रहिवाशांनीही मदतीसाठी सहकार्य करण्याचे आवाहन केले आहे. पोलिस पुढील तपास करत आहेत आणि मृतदेहाचे कारण शोधण्यासाठी अहवाल तयार करीत आहेत. नागरिकांनी या घटनेबाबत काहीही माहिती असल्यास लगेच संपर्क साधावा असे सांगितले आहे.ही घटना चिंतेची असून, आसपासच्या परिसरातील नागरिकांनी सतर्क राहण्याची देखील सूचना दिली आहे. पोलीस अधिकाऱ्यांनी परिसरात अधिक चौकशी आणि सुरक्षा वाढवण्याचे निर्देश दिले आहेत.सदर प्रकरणामध्ये कोणत्याही प्रकारची माहिती असल्यास किंवा गहाळ व्यक्तीसंबंधी कळीची तथ्ये मिळाल्यास, सहकार्य करावे अशी नम्र विनंती करण्यात येते. या संदर्भातील बातम्यांचे आम्ही पुढील अपडेटस लवकरच देऊ.